“Ai…..Kakakko kanji nian eh, kami nggak kak! Malle…..Besok kami ndak sekolah…..”
Hiruk pikuk peringatan hari kemerdekaan Indonesia, ternyato idak segalo generasi mudo mengilhami, mengambik makna dari perjuangan para pahlawan kito. Sibuk orang kirab bendera, sibuk pulo enyo mete di Pantai Panjang ujung.
Sebenarnyo ulah model iko bukan cerito baru. Tapi cerito lamo, terulang lagi. Mungkin iko kereno kota sejarah nangidak ado literatur. Jadi kelakukan anak mudo bejalan tanpa panduan. Sibuk orang kreatif, sibuk pulo enyo belepung di pantai.
Mungkin mecamikolah anak mudo kalu lagi jatuh cinto. Tapi iyo pulo dak, jangankan anak mudo, orang tuo ajo cok jugo bemetean. Padohal la punyo bini. Pertanyaanyo, apokah kalu anak mudo mete itu salah? Apo orang tuo kalu bemetean jugo salah? Meskipun itu merupokan perbuatan kanji (Kanji apo nyari geli?).
Jadi, pagi dearen, Cik sempat nganing suaro anak sekolah, dibalik semak-semak batang Erru pantai. “Kami enggak e kak…..Ai kakkako kanji nian eh, kami nggak kak! Malle…..Besok kami ndak sekolah…..”, berontak sorang anak gadis pakai baju sekolah.
“Idakk papo yak…..Kan sekolahnyo besok. Kinikan idak sekolah….Mella dek, kakak tanggungjawab”, jawab suaro lanang.
Telitak lutut Cik. Reraso endak ngintip, tapi takut. Kelak pas Cik ngintip, ternyato palak orang gerot, nah…..…Meleset kito dibueknyo.
Cerito iko mirip dekek cerito 30 taun nanglalu. Mengapo bisa samo cerito iko? Itu nang Cik idak abis pikir. Bilo hal iko idak cepek disadarkan, akibatnyo selesai HUT RI Ke-73, sejarah akan berulang. Kito bakal mendapekkan generasi pecahbulu. Telepe kelaktu bakal pecahbenen atau idak.
Negeri iko butuh generasi padek, bukan generasi kanji atau nyari geli, kecuali kondisi memang mendesak.
